spot_imgspot_img

Հայաստանում արևային էներգետիկան զարգանում է ակտիվ տեմպերով

Հայաստանում արևային էներգետիկան զարգանում է ակտիվ տեմպերով։ Այդ մասին օրերս հայտարարել է տարածքային կառավարման և ենթակառուցվածքների նախարար Գնել Սանոսյանը։ Նրա խոսքով ՝ նախորդ տարի այդ օբյեկտների արտադրած էլեկտրաէներգիայի ծավալները կազմել են 400 մեգավատ, ինչը համադրելի է Հայկական ԱԷԿ-ում էլեկտրաէներգիայի արտադրության ծավալներին։

Անցյալ տարվա արդյունքներով արևային էլեկտրակայաններն արտադրել են 170% — ով ավելի էլեկտրաէներգիա, քան՝ 2021 թվականին: Ըստ իշխանությունների, Հայաստանի էներգետիկ ոլորտի զարգացման ռազմավարությանը համապատասխան, նախատեսվում է վերականգնվող էներգետիկայի օբյեկտների կողմից էլեկտրաէներգիայի արտադրության ծավալները հասցնել 30 տոկոսի: Ներկայումս երկրում շարունակվում է 200 ՄՎտ հզորությամբ «Այգ-1» արդյունաբերական նշանակության արևային էլեկտրակայանի շինարարությունը: 2021 թվականի նոյեմբերի 26 — ին, մրցույթի արդյունքներով, ՀՀ կառավարությունը համաձայնագիր է ստորագրել Մասդար ընկերության հետ Թալին քաղաքի տարածքում «Այգ-1» ֆոտովոլտային էլեկտրակայանի կառուցման վերաբերյալ ։

Նույն թվականի հուլիսին Մասդար ընկերությունը հաղթող է ճանաչվել այդ ֆոտովոլտային արդյունաբերական կայանի կառուցման նախագծերի մրցույթում: Մրցութային առաջարկի համաձայն ՝ ընկերությունն առաջարկել է բավականին ցածր սակագին ապագա արևային արտադրության օբյեկտից՝ 1 կվտ/ժ էլեկտրաէներգիայի դիմաց 0,0290 դոլար ՝ առանց ԱԱՀ-ի։ Վերականգնվող էներգետիկայի զարգացման ծրագրի համաձայն՝ մինչև 2030 թվականը Հայաստանում պետք է կառուցվեն մինչև 1000 մեգավատ ընդհանուր սահմանված հզորությամբ արևային էլեկտրակայաններ:

Դրա համար հարկավոր է ոչ միայն արտերկրից սարքավորումների ներկրում, այլև ավելի ձեռնտու է տեղում ընդլայնել արևային վահանակների և մարտկոցների արտադրությունը, ինչը շոշափելի ազդեցություն կունենա։

Հայաստանում արևային վահանակներ արտադրող մեկ ընկերություն կա՝ «Սոլարոնը», բայց միայն նրա հնարավորությունները բավարար չեն մեր երկրի բոլոր կարիքները հոգալուն։

Մանե Խաչիկյան