Energyland.info-ն գրում է, որ Գանայի էներգետիկայի նախարարությունը սկսել է հայտեր ընդունել 35 արևային մինի ցանցերի նախագծման և կառուցման համար:
440 մլն դոլար ընդհանուր արժողությամբ նախագիծը կիրականացվի 45 բնակավայրերի էներգամատակարարման համար, որոնք նաև հնարավորություն կունենան էլեկտրաէներգիայի ավելցուկը փոխանցել ընդհանուր ցանց և զեղչ ստանալ սպառած էլեկտրաէներգիայի դիմաց։
Ծրագիրը նպատակաուղղված կլինի բարելավել Գանայում էլեկտրաէներգիայի հասանելիությունը, որտեղ 2021 թվականին գյուղական համայնքների հասանելիությունը հանրային ցանցին կազմել է 74%: Նախաձեռնությունը կխթանի նաև արևային էներգիայի օգտագործումը, որը ներկայումս աննշան դեր է խաղում տեղական էլեկտրաէներգիայի ոլորտում:
Ֆոտովոլտային վահանակների մասնաբաժինը Գանայի ընդհանուր էներգահամակարգում 2022 թվականին կազմել է ընդամենը 0,3%, մինչդեռ գազով աշխատող ջերմաէլեկտրակայանների մասնաբաժինը կազմել է 49,2%, իսկ դիզելային և հիդրոէներգիայի մասնաբաժինը կազմել է 16% և 34,5%։ Անցյալ տարի Գանայի արևային հզորությունը հասել է 98 ՄՎտ-ի, ինչը ցածր է Աֆրիկայի ենթասահարական բազմաթիվ երկրներից, ներառյալ Քենիան (307 ՄՎտ), Անգոլան (297 ՄՎտ), Սենեգալը (263 ՄՎտ) և Մալավին (143 ՄՎտ):
Համաձայն Կլիմայի փոփոխության մասին ՄԱԿ-ի շրջանակային կոնվենցիայի մինի ցանց է համարվում 15 ՄՎտ-ից ոչ ավելի հզորությամբ աղբյուրի բաշխված ցանցը: Ամենատարածված նման աղբյուրներից մեկը ցանցից դուրս արևային մարտկոցներն են, որոնց օգտագործումը գնալով ավելի հեշտ է դառնում մի շարք նորարարությունների շնորհիվ: Օրինակ, իտալական Barrel ընկերությունը մշակել է ֆոտոգալվանային կայան, որը տեղավորվում է տակառի մեջ։ Ստանդարտ հավաքածուն բաղկացած է 6 կիլովատ (կՎտ) հզորությամբ արևային մոդուլներից, 3,5 կիլովատ/ժամ հզորությամբ լիթիումային մարտկոցներից և 5,6 կՎտ հզորությամբ ինվերտորից, որը նախատեսված է ուղղակի հոսանքը փոփոխական հոսանքի վերածելու համար։ Նման կայանի հզորությունը բավարար է չորսից հինգ հոգու համար նախատեսված մեկ հարկանի տան սնուցման համար: Նորարարությունն արդեն կիրառություն է գտել Աֆրիկայի (Մալի, Մարոկկո, Նիգերիա) և Մերձավոր Արևելքի (Օման, ԱՄԷ) մի շարք երկրներում։
«Ցանցից կտրված արևային արտադրությունը կարող է բավարարել գյուղատնտեսության, ոռոգման, ագրովերամշակման արտադրության և հանքարդյունաբերության էներգետիկ կարիքները», — նշել է Գլոբալ էներգետիկ գործընկեր Միքայել Ալեմուն «Տարածաշրջանայինից դեպի գլոբալ՝ Աֆրիկա» համաժողովում,- դիզելային վառելիքի արտադրությունը հինգ անգամ ավելի թանկ է, քան արևայինը, սակայն երկրները ամեն տարի ներմուծում են միլիարդավոր դալարների դիզել վառելիք այրելու և էլեկտրաէներգիա արտադրելու համար: Պետք է վերջ տալ այդ խելագարությանը»,- ընդգծել է նա։
Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։
Զանգահարեք 8757, 010 440055
էլ. փոստ ֊ Info@solaron.am