24.kz-ն գրում է, որ Մեքսիկայում մթերային շուկան կդառնա նաև արևային էլեկտրակայան: Այդ մասին հայտնել է Khabar 24-ը։
Շուկայի շենքի տանիքին կտեղադրվեն շուրջ 40 հազար արևային մարտկոցներ։ Նրանք էներգիա կմատակարարեն պահեստներին, գրասենյակներին և ավտոկայանատեղերին։ Ծրագիրը մեկնարկել է երկրի կառավարության աջակցությամբ պետական էներգետիկ ընկերության հետ համատեղ։
Առաջին փուլում կտեղադրվեն 600 պանելներ։ Էկոնոմիկայի նախարարության աշխատակցի խոսքով էլեկտրակայանի շահագործումը կսկսվի առաջիկա ամիսներին։
Ըստ Մեքսիկայի էկոնոմիկայի նախարարության քարտուղար Ալբերտո Վալդեսի՝ արևային էլեկտրակայանը կօգնի նվազեցնել ածխաթթու գազի արտանետումները տարեկան 12,000 տոննայով, տարեկան կարտադրի 27 մլն կվտ/ժ էլեկտրաէներգիա։
Այդ հսկայական կառույցը կլինի Լատինական Ամերիկայի ամենամեծ քաղաքային էլեկտրակայանը։ Իհարկե, կան ավելի մեծ ու հզոր արևային էլեկտրակայաններ, բայց դրանք բոլորը կառուցված են քաղաքներից դուրս։